Każ kurjuż qam matul din il-ġimgħa f’Barcelona hekk kif Ousmane Dembele jista’ jkollu l-bonus tiegħu mnaqqas drastikament ġaladarba jerġa’ jweġġa’ u jibqa’ barra mil-logħob għal xi żmien.
Skond waħda mill-klawsoli tal-club mill-Katalunja hemm li player jitħallas bonus sħiħ jekk għallinqas ikun qabeż il-50 fil-mija ta’ presenzi fil-ground.
Dembele, li ilu jilgħab fil-Camp Nou sa mis-sena 2017, qatt ma kien regolari fil-logħob tiegħu minħabba injuries persistenti li jkollu minn żmien għal żmien.
Fl-istess waqt ħafna kritiċi ta’ La Liga Spanjola qed jgħidu li miżura bħal din se sseħħ minħabba problemi finanzjarji li qed jaffaċċjaw il-Katalani.