Tuesday, April 1, 2025

Raġel ta’ 28 sena jinżamm arrestat fuq akkużi ta’ drogi

… Misjuba fuqu 14-il borża kokaina u 28 oħra fid-dar tiegħu

Aqra wkoll

Raġel ta’ 28 sena, Andrea Popovic, inżamm arrestat fuq akkużi ta’ traffikar ta’ droga kokaina.

Il-Prosekuzzjoni fil-qorti spjegat kif waqt spezzjoni f’Paceville mill-Iskwadra ta’ Kontra d-Droga irriżulta li l-akkużat kellu fuqu 14-il borża kokaina.Barra minnhekk, minn tfittxija sussegwenti fid-dar tiegħu fin-Naxxar il-pulizija sabu 28 borża oħra tal-istess tip ta’ droga.

Popovic wieġeb mhux ħati tal-akkużi miġjuba kontrih. Il-prosekuzzjoni oġġezzjonat għall-ħelsien mill-arrest tiegħu u nsistiet li barra pussess aggravat, Poppovic ilu jgħix Malta minn Diċembru biss u allura l-irbit tiegħu mal-pajjiż mhuwiex b’saħħtu.

Id-difiża ma qablitx imma l-Qorti ma laqgħetx it-talba għall-ħelsien mill-arrest ta’ dan l-akkużat.

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport