Real Madrid se jkollhom joħorġu b’offerta ta’ €60m jekk jixtiequ jiffirmaw lill-midfielder ta’ Monaco, Aurelien Tchouameni matul it-tieqa tat-trasferimenti tas-sajf li ġej.
Il-futur taż-żagħżugħ ta’ 21 sena bħalissa huwa s-suġġett ta’ ħafna spekulazzjoni, bi clubs bħal Manchester United, Chelsea u Liverpool kollha maħsuba li qed isegwuh.
Intant, rapport riċenti sostna li Real Madrid kienu sodi fit-tellieqa għall-midfielder, li dan l-aħħar sar player importanti għal Franza minkejja li ddebutta biss f’Settembru.
Tchouameni għad fadallu tliet snin fil-kuntratt tiegħu ma’ Monaco, iżda l-club mil- Ligue 1 jista’ jbati biex iżommu s-sena d-dieħla minħabba l-interess dejjem jikber fis-servizzi tiegħu.
Hemm interess sod minn Real Madrid, iżda l-club immexxi minn Carlo Ancelotti jkollu jippreżenta offerta ta’ mill-inqas €60m biex jikkonvinċi lil Monaco biex iħalluh jitlaq fl-2022.
Il-clubs tal-Premier League bħalissa għandhom vantaġġ fuq il-Los Blancos minħabba l-flus li jkunu jistgħu jpoġġu fuq il-mejda fis-sajf li ġej.
Tchouameni skorja ħames goals u rreġistra erba’ assists f’60 dehra għat-team ta’ Niko Kovac.
