Real Madrid sofrew telfa xokkanti fl-ewwel logħba wara l-waqfa tal-Milied. Huma għamlu l-vjaġġ qasir lejn Getafe meta kienu ġejjin minn sensiela pożittiva ta’ 15-il logħba li minnhom rebħu 11 mill-aħħar 12-il logħba fil-kompetizzjonijiet kollha.
Iżda huma ħallew il-Coliseum Alfonso Perez Stadium b’idejhom vojta meta Eder Militao kkommetta żball kmieni fid-9 minuta u Enes Unal ħadlu l-ballun u sab ix-xbka għas-sitt goal tiegħu tal-istaġun.
Il-coach Quique Sanchez Flores għamel impatt mindu ħa t-team f’idejh u issa jinsabu tliet punti barra ż-żona tar-relegazzjoni.