L-Oligarka Russu Roman Abramovich sofra sintomi ta’ suspett avvelenament.
Is-sid ta’ Chelsea marad flimkien ma’ negozjaturi tal-paċi Ukreni, f’attakk li qed jingħad li ġej minn persuni f’Moska li qed jgħidu li jridu jwaqqfu t-taħditiet tagħhom maħsuba biex itemmu l-gwerra.
Is-sintomi kienu jinkludu għajnejn ħomor, dmugħ kostanti u bl-uġigħ, u tqaxxir tal-ġilda fuq wiċċhom u idejhom.
Abramovich tilef id-dawl ukoll għal diversi sigħat bħala riżultat tal-attakk.
Il-biljunarju u mill-inqas żewġ membri tal-kontropartijiet tiegħu Ukreni mardu ftit wara laqgħa fil-kapitali Ukrena Kyiv aktar kmieni dan ix-xahar.
Ir-raba’ membru tat-tim ma maradx, minkejja li kiel l-istess ikel u xorob l-istess xorb bħalhom.
Il-kelliem tiegħu kkonferma li sofra sintomi ta’ suspettat avvelenament.
Madankollu, konsulent tal-amministrazzjoni presidenzjali tal-Ukrajna ċaħad l-allegazzjoni ta’ avvelenament bħala “spekulazzjoni”.
Mykhailo Podoliak żied li n-negozjaturi Ukreni kollha “qed jaħdmu bħas-soltu”.
Abramovich ħalla l-Ingilterra aktar kmieni dan ix-xahar wara li ġie sanzjonat mill-Gvern Ingliż minħabba r-rabtiet tiegħu ma’ Vladimir Putin.
Minn dakinhar huwa kien involut f’taħditiet ta’ paċi sigrieti bejn ir-Russja u l-Ukrajna.
Dawn it-taħditiet huma maħsuba li huma mod kif terġa’ tiġi rrestawrata l-immaġni tiegħu wara s-sanzjonijiet ħorox mill-Ingilterra u l-Unjoni Ewropea.
Huwa ilu jivvjaġġa bejn Moska u Lviv fil-Punent tal-Ukrajna mill-bidu tal-gwerra.
Mhux magħruf jekk l-attakk suspettat kienx ikkawżat minn aġent bijoloġiku jew kimiku jew xi tip ta’ attakk ta’ radjazzjoni elettromanjetika.
Madankollu, sar magħruf li d-doża u t-tip ta’ velenu użat kontra dawn it-tliet persuni kienet “probabbilment insuffiċjenti” biex tikkawża ħsara ta’ theddida għall-ħajja.
Minflok, l-attakk kien maħsub biex “ibezża’” lill-vittmi.
Huwa mifhum li l-velenu użat x’aktarx kien varjant ta’ porfirina, proteina meħtieġa fiċ-ċelloli ħomor tad-demm biex iġġorr l-ossiġnu, iżda li tista’ tkun perikoluża f’livelli għoljin.
Alternattivament, huwa rrappurtat li seta’ kienet organofosfat – simili għall-aċidu fosforiku.
Il-President tal-Ukrajna Zelensky, li ltaqa’ ma’ Abramovich f’dawn l-aħħar ġimgħat, kien rappurtat li ma ġiex affettwat.
Ir-Russu għadda lil Putin nota miktuba bl-idejn minn Zelensky ftit tal-jiem ilu.
