Sarah Demicoli affermat il-pożizzjoni tagħha bħala l-aqwa għawwiema tal-open water meta kompliet il-parteċipazzjoni tagħha bla telfa fil-ħames tellieqa tal-Kampjonati Garmin BSJ Open Water Swimming li saru fis-Salina nhar l-Erbgħa, 28 ta Lulju.
It-tellieqa ta’din il-ġimgħa kienet tellieqa fuq medda ta’ 4 kilometri li serviet ukoll bħala kwalifikazzjoni għall-għawwiema li qed jippjanaw li jieħdu sehem fit-tlielaq Garmin BSJ Malta – Gozo- Malta u l-Kompetizzjoni Gozo- Malta.
Dylan Cachia u Sarah Demicoli kienu l-ewwel għawwiema fil-kategoriji rispettivi tagħhom. Cachia temm il-korsa f’47minuta 46 sekonda waqt li Demicoli għamlet ħin ta’55:32.
Fit-tieni post, kien Luca Vella li ħareġ mill-ilma ħames sekondi qabel Demicoli. Iż-żewġ għawwiema prattikament ilhom jiġru ras imb’ras matul il-Kampjonati ta ’din is-sena.
Fit-tielet post tal-kategorija tal-irġiel kien Sean Wareing li għamel ħin ta ’56 minuta 19 sekonda fl-unika dehra tiegħu tal-Kampjonati. Maya Schembri Rodgers u Nirvana Micallef daħlu fit-tieni u t-tielet post rispettivament.
L-aħħar tellieqa tal-Kampjonati Garmin BSJ Open Water Swimming se ssir nhar l-Erbgħa 4 ta ’Awwissu fis-1800hrs fis-Salina.
Registrazzjoni tista ssir online permezz tas-sit elettroniku https://bkarastjoseph.com/index.php?id=14
