F’indirizz fil-Parlament Ewropew, Yulia Navalnaya, l-armla tal-Kap tal-Opożizzjoni Russu Alexei Navalny li miet fis-16 ta’ Frar, qalet se tkompli taħdem favur il-ġustizzja rigward il-mewt ta’ żewġha sabiex ir-Russja jkollha ġejjini isbaħ milli għandha llum.
Yulia akkużat lil President Russu, Vladimir Putin u saħqet li dan għandu jinżamm responsabbli dak li għamel fil-pajjiż u li għandu jinżamm responsabbli għal dak li għamel lil żewġha.
Hija spjegat li żewġha kien ittorturat għal tliet snin, li tħalla jmut bil-ġuħ f’ċella żgħira u li kien iżolat.
