Tork ta’ 34 sena residenti ż-Żejtun spiċċa l-baħar bil-karozza b’rapporti jgħidu li huwa qal li kien qiegħed isegwi rotta bil-Google Maps.
Il-każ seħħ ilbieraħ għall-ħabta ta’ 12.00a.m f’Xatt is-Sajjieda, San Ġiljan.
Huwa mifhum li r-rotta li kien qiegħed isegwi ħaditu lejn rampa. Is-sewwieq baqa’ jsuq fuqha u mbagħad tilef il-kontroll tal-karozza li kien qiegħed isuq tal-għamla Honda Accord u spiċċa biha b’kollox fil-baħar.
F’filmat li ġie ppubblikat fl-aħħar sigħat fuq il-midja soċjali tidher il-karozza f’wiċċ il-baħar bis-sewwieq tagħha jitla l-art fejn imbagħad mar ħdejn il-Pulizija.
Ħadd ma weġġa’ f’dan l-inċident.
