Fil-Kampjonat Taljan, il- leaders Napoli marru għand Salernitana u rebħulhom bl-iskor ta’ 2-0 biex komplew ikabbru l-vantaġġ għall-12-il punt fil-quċċata u b’hekk għamlu pass kbir lejn ir-rebħ tat-titlu.
Peró huma lagħbu partita aktar hekk kif l-eqreb rivali, Milan, proprju nhar it-Tlieta jirkuprawha barra minn darhom kontra Lazio.
Il-Partenopei mill-ewwel ħarġu fuq l-offensiva iżda kellhom jistennew sal-45 minuta biex fetħu l-iskor minn Giovanni Di Lorenzo u proprju fit-48 minuta Victor Osimhen irdoppa għat-team immexxi mill-coach Luciano Spalletti.
Verona v Lecce – Verona laqgħu lil Lecce u għelbuhom bl-iskor ta’ 2-0 biex irreġistraw mill-aktar importanti fit-tentattiv li jkomplu jisfidaw għas-salvazzjoni.
Il-goals ġew skorjati wieħed f’kull taqsima.
Peró, fis-17-il minuta, Verona fetħu l-iskor minn Kevin Lasagna iżda ġie annullat minħabba pożizzjoni ta’ offside.
Madankollu ħames minuti minn tmiem l-ewwel taqsima Fabio Depaoli fetaħ l-iskor minn daqqa ta’ ras biex fl-54 minuta Darko Lazovic irdoppja minn pożizzjoni angolata.
