Sewwieq ta’ mutur li għandu 34 sena u joqgħod Wied il-Għajn qed isofri minn ġrieħi gravi wara li lbieraħ għall-ħabta tal-5:30 p.m, kien involut f’inċident tat-traffiku fi Triq il-Wied, f’Wied il-Għajn.
Minn stħarriġ illi sar, irriżulta li seħħet ħabta bejn mutur tat-tip Yamaha misjuq mill-vittma u karozza tal-għamla Toyota Vitz, li kienet qed tinstaq minn anzjan ta’ 72 sena residenti Birżebbuġa.
Is-sewwieq tal-mutur ingħata l-għajnuna minn tim mediku u ttieħed l-Isptar Mater Dei b’ambulanza
Il-Pulizija għaddejja bl-investigazzjonijiet fuq il-każ.
