Saturday, November 21, 2026
Home Sport Tennis – ATP Finals: Alcaraz jegħleb lil Cobolli u jagħlaq il-fażi tal-gruppi...

Tennis – ATP Finals: Alcaraz jegħleb lil Cobolli u jagħlaq il-fażi tal-gruppi b’rekord perfett

0
37

Carlos Alcaraz kompla juri l-qawwa tiegħu fl-ATP Finals f’Turin meta kiseb rebħa konvinċenti ta’ 6-4, 6-1 kontra t-Taljan Flavio Cobolli.

L-Ispanjol iddomina l-konfront li dam 65 minuta, minkejja tħassib dwar problema fil-hamstring tax-xellug li kien ħass wara l-logħba preċedenti kontra Daniil Medvedev.

Alcaraz rebaħ l-ewwel set 6-4 u mbagħad żied il-pass fit-tieni wieħed, fejn għamel tliet breaks biex għalaq il-partita 6-1.

B’din ir-rebħa, Alcaraz temm il-fażi tal-gruppi bi tliet rebħiet minn tliet logħbiet, u issa se jaffronta lill-Amerikan Ben Shelton fis-semi-finali. Għal Cobolli, din kienet l-ewwel esperjenza tiegħu f’dan it-tournament prestiġjuż, iżda spiċċat mingħajr rebħa.

LEAVE A REPLY

Please enter your comment!
Please enter your name here