Tiger Woods biddel il-pożizzjoni tiegħu fil-każ ta’ sewqan taħt l-influwenza ta’ sustanzi wara inċident fi Florida fejn il-karozza tiegħu nqalbet.
Il-player tal-golf aċċetta ftehim mal-prosekuturi li jinkludi sospensjoni tal-liċenzja tas-sewqan għal ħames snin u multa ta’ $1,000.
Woods, 50 sena, kien ġie arrestat wara l-inċident ta’ Marzu. Għalkemm għadda mit-test tal-breathalyser, huwa rrifjuta testijiet oħra biex jiġi ċċekkjat għal sustanzi oħra.
Aktar tard, il-pulizija sabet żewġ pilloli bojod fil-but tiegħu, li ġew identifikati bħala hydrocodone.
Woods qal li ma kienx ikkonsma alkoħol u li kien qed jieħu xi mediċini. Wara l-inċident, huwa ħabbar li kien se jieħu l-ħin biex ifittex trattament u jiffoka fuq saħħtu.
