Il-battalja legali qabel il-partita taċ-Champions League tal-Erbgħa fi Stadio Maradona kompliet wara li l-awtoritajiet lokali f’Napli ħarġu ordinanza ġdida li tipprojbixxi lil kull min joqgħod fi Frankfurt milli jattendi l-partita kontra Napoli.
Is-sitwazzjoni ilha tkaxkir għal ftit jiem, hekk kif il-prefett lokali inizjalment ipprojbixxa l-bejgħ kollu tal-biljetti lir-residenti fil-Ġermanja, u semma’ riskji għas-sigurtà.
Aktar kmieni l-ġimgħa l-oħra l-avukati Ġermaniżi rebħu appell biex il-verdett jinqaleb, għal dispjaċir tal-pulizija Taljana.
Stqarrija ġdida għall-istampa mill-prefett, Claudio Palomba, ħareġ it-Tlieta li għadda b’miżura ta’ projbizzjoni aktar limitata.
Il-partitarji biss li jindikaw Frankfurt bħala r-residenza tagħhom mhux se jkunu jistgħu jattendu l-partita.
Minħabba li l-Eintracht Frankfurt għandhom bażi ta’ partitarji lokalizzati ħafna, jiġifieri prattikament l-2,700 kollha li kienu se jagħmlu l-vjaġġ.
L-aħħar sentenza hija aktar limitata fl-iskop, u tindika l-periklu li ħolqu l-partitarji ta’ Eintracht li kienu nvoluti fi ġlied mal-pulizija lokali fi tmiem il-ġimgħa fil-partita tagħhom kontra VfB Stuttgart.
Diġà kien hemm ġlied bejn il-partitarji ta’ Eintracht Frankfurt u Napoli qabel l-ewwel leg fil-Ġermanja fil-21 ta’ Frar.
Minħabba li dawn ma kinux ġewwa jew ħdejn l-istadium, iżda madwar il-belt b’attakki sorpriża, hemm il-biża’ ta’ ripetizzjoni f’Napli.