Carlos Alcaraz kompla juri l-forma tajba tiegħu wara r-ritorn minn injury twila, hekk kif għeleb lil Tommy Paul fir-raba’ round tal-US Open.
L-Ispanjol ta’ 23 sena kellu prestazzjoni eċċellenti u għeleb lill-Amerikan bl-iskor ta’ 6-4, 6-3 u 6-4.
Din kienet biss ir-raba’ logħba kompetittiva tiegħu minn meta kien ilu aktar minn erba’ xhur barra minħabba injury fil-polz, li kienet żammitu milli jilgħab fil-French Open u Wimbledon.
Alcaraz tilef biss set wieħed fit-triq lejn il-kwarti-finali u issa se jiltaqa’ ma’ Ben Shelton jew Stefanos Tsitsipas.
Huwa għandu rekord perfett kontra ż-żewġ players fil-livell tat-Tour.
Ir-rebħa fuq Paul kienet it-18-il rebħa konsekuttiva tiegħu fil-Grand Slam.
Alcaraz qal li jinsab kważi fil-forma massima tiegħu u li qed jieħu pjaċir ħafna jilgħab fil-US Open.
