Arsene Wenger qed jissemma bħala kandidat possibbli biex jisfida lil Gianni Infantino għall-presidenza tal-FIFA fl-2027. Uffiċjali importanti fil-football Ewropew jemmnu li l-eks coach ta’ Arsenal għandu r-rispett internazzjonali meħtieġ biex imexxi l-organizzazzjoni.
Infantino qed jiffaċċja kritika wara l-kontroversja dwar il-proġett FIFA Forward Enterprise, li ġie rtirat wara reazzjonijiet negattivi. Wenger iddistakka ruħu mill-pjan, u sostna li ma kienx involut fih.
Madankollu, għadu mhux magħruf jekk Wenger huwiex lest li jikkontesta lill-persuna li ħatritu fil-kariga. Huwa għandu sat-18 ta’ Novembru biex jiddikjara l-kandidatura tiegħu u jkollu bżonn l-appoġġ ta’ mill-inqas ħames assoċjazzjonijiet nazzjonali.
Intant, Infantino jibqa’ favorit għar-rielezzjoni.
