Id-difensur ċentrali ta’ Eintracht Frankfurt Willian Pacho qed ikompli jogħġob lil diversi klabbs madwar l-Ewropa b’Arsenal u Liverpool li huma l-iktar interessati fih.
Sadanittant, il-plejer mill-Ekwador għandu kuntratt mal-Ġermaniżi sas-sena 2028 u qed jiġi stmat li jiswa madwar €60 miljun.
Pacho għandu 22 sena u fil-passat lagħab ukoll ma’ Indipendiente del Valle u Royal Antwerp. Ma’ Eintracht Frankfurt hu deher f’26 partita u ma skorja l-ebda gowl.
