Żagħżugħ ta’ 24 sena qed isofri minn ġrieħi gravi, wara aktar kmieni dalgħodu għall-ħabta tas-2:00 a.m, kien involut f’inċident tat-traffiku fi Triq Dawret il-Qalb Imqddsa f’Birżebbuġa
Minn stħarriġ illi sar, irriżulta li ż-żagħżugħ kien qed isuq karozza tal-għamla Toyota, u li dan tilef il-kontroll tal-vettura, bil-konsegwenza li kellu mpatt ma’ ħajt.
Fuq il-post issejħet ambulanza li ħadet lix-xufier l-Isptar Mater Dei għall-kura meħtieġa.
L-investigazzjoni tal-Pulizija dwar dan l-inċident għadha għaddejja.
