Wednesday, July 24, 2024

Żewġ uffiċjali tal-LESA jweġġgħu f’inċident f’Raħal Ġdid

Aqra wkoll

Żewġ uffiċjali tal-LESA weġġgħu f’inċident li seħħ it-Tlieta waranofsinhar f’Raħal Ġdid.

Kien għall-ħabta tas-2.30 p.m. meta l-Pulizija kienu infurmati li kien għadu kif seħħ inċident fi Vjal Santa Luċija.

Il-Pulizija marru minnufih fuq il-post u minn stħarriġ preliminari rriżulta li vettura tas-servizz tal-LESA ħabtet fil-barrikati tat-triq. Fil-karozza kien hemm żewġ uffiċjali nisa li sofrew xi ġrieħi.

Huma ngħataw l-għajnuna minn tim mediku u ttieħdu l-Isptar Mater Dei b’ambulanza. Iktar tard, ix-xufiera ta’ 51 sena ġiet iċċertifikata li weġġgħet ħafif filwaqt li l-passġiera, mara ta’ 52 sena ġiet iċċertifikata bi ġrieħi gravi.

Il-Pulizija għaddejja bl-investigazzjonijiet fuq il-każ.

Ekonomija

Sport