Saturday, November 27, 2021

Zinedine Zidane m’għandu l-ebda interess li jsir il-coach il-ġdid ta’ Manchester United

Aqra wkoll

Jidher li Zinedine Zidane m’għandu l-ebda interess li jsir il-coach il-ġdid ta’ Manchester United.

Il-pressjoni reġgħet żdiedet fuq il-manager attwali tar-Red Devils Ole Gunnar Solskjaer wara t-telfa tas-Sibt 2-0 f’darhom kontra Manchester City fil-Premier League.

Antonio Conte kien marbut b’mod qawwi mal-pożizzjoni lejn l-aħħar tax-xahar li għadda, iżda t-Taljan minn dakinhar inħatar manager il-ġdid ta’ Tottenham Hotspur.

Zidane għadu jissemma bħala sostitut possibbli għal Solskjaer, bil-Franċiż bħalissa huwa free agent, u ma ħax rwol ieħor minn meta ħalla lil Real Madrid aktar kmieni din is-sena.

Madankollu, ikun ‘kważi impossibbli’ li l-coach ta’ 49 sena jaċċetta l-kariga, hekk kif qed jistenna li l-impjieg ta’ coach tat-team nazzjonali ta’ Franza jsir disponibbli.

Zidane jista’ jitħajjar lura fit-tmexxija tal-club iżda jkun irid jingħaqad ma’ team bi ‘proġett ċar u rebbieħ’ aktar milli club fi tranżizzjoni.

Huwa mifhum li l-manager ta’ Leicester City Brendan Rodgers laħaq ftehim verbali mar-Red Devils biex isir is-sostitut ta’ Solskjaer f’Old Trafford.

Sport