F’intervista li ta ma’ stazzjon sportiv Taljan, l-attakkant veteran Svediż, Zlatan Ibrahimovic, saħaq li qed jibża’ jirtira mil-logħba sabiħa tal-football. Hu qal li minkejja li f’dawn l-aħħar snin, l-injuries qed jitfaċċaw aktar ta’ spiss, iħoss li Milan saret daru u ma jimmaġinahx ma jġeddidx magħhom.
Ibrahimovic jaqla’ €1.5 miljun kull staġun u għalhekk m’għandux ikun piż finanzjarju għall-klabb.
Fil-jiem li ġejjin hu se jiltaqa’ mad-diriġenti Rossoneri sabiex jitkellmu fuq it-triq ‘il quddiem.
