Sunday, November 22, 2026
Home Sport Zverev jegħleb lil Medvedev u jikkwalifika għall-finali tal-ATP Finals

Zverev jegħleb lil Medvedev u jikkwalifika għall-finali tal-ATP Finals

0
35

Alexander Zverev kiseb postu fil-finali tal-ATP Finals f’Turin wara li għeleb lil Daniil Medvedev f’żewġ sets, 7-6 (0), 6-4, fis-semi-finali.

Il-Ġermaniż kellu prestazzjoni mill-aqwa, fejn iddomina t-tie-break tal-ewwel set mingħajr ma ta punt wieħed lir-Russu, biex rebaħ 7-0.

Fit-tieni set, il-logħba baqgħet bilanċjata sakemm Zverev kiseb break deċiżiv fis-7 logħba biex ħa vantaġġ ta’ 4-3. Minkejja xi diffikultajiet meta kien qed iservi għal-logħba, irnexxielu jżomm il-kalma u jagħlaq il-konfront.

Zverev, rebbieħ ta’ dan it-tournament fl-2018 u fl-2021, issa se jaffronta lil Carlos Alcaraz fil-finali tal-Ħadd, hekk kif l-Ispanjol għeleb lil Ben Shelton.

LEAVE A REPLY

Please enter your comment!
Please enter your name here