BRUNO GUIMARAES – Arsenal mistennija jagħmlu offerta ta’ £70 miljun għall-captain ta’ Newcastle, Bruno Guimaraes, 28 sena. L-internazzjonali Brażiljan huwa mira prijoritarja għall-Gunners, bil-midfielder ħerqan li jingħaqad maċ-champions tal-Premier League. It-taħditiet dwar trasferiment potenzjali għal dan il-midfielder għadhom għaddejjin u huwa maħ­sub li aċċelleraw f’dawn l-aħħar jiem. Sorsi qrib Newcastle jinsistu li l-Magpies m’għandhom l-ebda intenzjoni li jbigħu lil Guimaraes dan is-sajf u li ma kien hemm l-ebda approċċ dirett mill-Gunners għall-player.

LUKA MODRIC – Il-midfielder ta’ Milan, Luka Modric, li se jagħlaq 41 sena f’Settembru, iffirma estensjoni tal-kuntratt b’sena. Il-Kroat ingħaqad ma’ Milan is-sajf li għadda b’kuntratt ta’ sena b’għażla li jes­tendih wara li jitlaq minn Real Madrid. Wara 13-il sena fil-Bernabeu, Modric skorja żewġ goals f’37 dehra għal Milan fi staġun meta spiċċaw fil-ħames post fis-Serie A u laħqu biss l-Aħħar 16 tal-Coppa Italia. Modric għadu kif lagħab fil-ħames Tazza tad-Dinja tiegħu, fejn il-Kroazja ġiet eliminata fl-Aħħar 32 mill- Portugall.

CHRISTOS TZOLIS – Arsenal iffirmaw lill-attakkant Grieg “estremament versatili” Christos Tzolis, 24 sena, mingħand Club Brugge għal £34 miljun. Huwa ngħaqad b’dak li ċ-champions tal-Premier League jiddeskrivu bħala kuntratt fit-tul. Tzolis skorja 43 goal u pprovda 45 assist f’108 dehriet għal Club Brugge. Arsenal biegħu lill-attakkant Belġjan Leandro Trossard lil Besiktas aktar kmieni dan ix-xahar.

XAVIER SCHLAGER – Nottingham Forest iffirmaw lill-midfielder, Xaver Schlager, 28 sena, bi trasferiment ħieles b’kuntratt ta’ sentejn wara li telaq minn RB Leipzig. Huwa lagħab taħt il-coach ewlieni Oliver Glasner f’Wolfsburg u sar l-ewwel akkwist tiegħu mal-Forest. Huwa beda l-erba’ logħbiet kollha għall-Awstrija fit-Tazza tad-Dinja biex b’hekk tella’ t-total ta’ players li lagħbu mat-team nazzjonali tiegħu għal 55.

AURELIEN TCHOUAMENI – Il-ġganti ta’ La Liga, Real Madrid, huma miftuħa għall-bejgħ tal-midfielder difensiv Franċiż, Aurelien Tchouameni, 26 sena, lil Manchester United.

MANU KONE – Il-midfielder ta’ AS Roma u Franza, Manu Kone, 25 sena, u l-internazzjonali tal-Kamerun u Brighton, Carlos Baleba, 22 sena, qed jiġu kkunsidrati wkoll minn Manchester United hekk kif għandhom l-għan li jsaħħu s-settur ta’ nofs il-ground.

TYLER ADAMS – Il-midfielder Amerikan ta’ Bournemouth, Tyler Adams, 27 sena, li huwa stmat li jiswa madwar £35 miljun, huwa wkoll għażla għat-team ta’ Michael Carrick.

JOHN STONES u EZRI KONSA – L-eks difensur ta’ Manchester City, John Stones, 32 sena, u Ezri Konsa, 28 sena, ta’ Aston Villa huma fost il-miri ta’ Arsenal hekk kif il-Gunners se jduru lejn il-koppja tal-Ingilterra, wara l-injury tad-difensur ċentrali Franċiż, William Saliba, 25 sena, li weġġa’ fil-logħba għat-tielet post kontra l-Ingilterra.

YAN DIOMANDE – Arsenal u Manchester City huma fost il-clubs li jinsabu f’taqtiegħa biex jiffirmaw lill-winger tal-Ivory Coast, Yan Diomande, 19-il sena, mingħand RB Leipzig, li qabel irrifjutaw offerta ta’ £69 miljun mingħand Liverpool.