L-eks midfielder ta’ Roma Ante Coric se jerġa’ jilgħab ma’ Hamrun Spartans wara li laħaq ftehim biex jirritorna mal-eks champions ta’ Malta.
Coric, li ngħaqad mal-ġganti Taljani Roma Coric f’Jannar 2019 u baqa’ hemm għal sitt xhur, kien wieħed mill-protagonisti fl-iskwadra ta’ Hamrun Spartans li assigurat kwalifikazzjoni storika għall-Fażi tal-Kampjonat tal-UEFA Conference League l-istaġun li għadda.
Matul iż-żmien tiegħu mal-iSpartans, Coric stabbilixxa ruħu bħala figura influwenti fil-midfield tal-iSpartans u niżżel ismu fl-istorja tal-futbol Malti meta skorja wieħed mill-goals li għenu lill-iSpartans jassiguraw rebħa ta’ 3-1 kontra t-tim minn Ġibiltà Lincoln Red Imps fil-League Phase.
Madankollu, l-esperjenza ta’ Coric mal-iSpartans intemmet fl-aħħar tal-2025 hekk kif kien wieħed mill-players barranin li ddeċidew li jħallu l-klabb.
Madankollu, l-ogħla ġerarkija tal-Spartans għandha stima kbira għall-midfielder offensiv Kroat u, fl-aħħar ftit ġimgħat, irnexxielhom jikkonvinċu lil Coric biex jirritorna mal-klabb għat-tieni perjodu.
Huma mifhum li Coric mistenni jasal Malta proprju għada l-Ħadd qabel ma jingħaqad mal-iskwadra ta’ Giacomo Modica għat-taħriġ tal-pre-season.
Coric mistenni jkun it-tieni akkwsit tal-iSpartans dan is-sajf wara li huma laħqu ftehim biex jakkwistaw is-servizzi tal-eks attakkant tal-Hibernians Lucas Villela.
