Olympiacos rebħu ċ-Champions League tan-Nisa li saret f’Malta f’finali mill-isbaħ meta għelbu lill-Ungeriżi ta’ Ferencvaros bl-iskor ta’ 17-14 wara l-għoti tal-penalties.
Il-Griegi fetħu vantaġġ ta’ tliet goals qabel reazzjoni mill-aqwa ta’ Ferencavaros fit-tielet sessjoni li rathom jibnu vantaġġ ta’ żewġ gowls fir-raba’ sessjoni.
Madankollu, Olympiacos ma rmewx ix-xugaman, u skorjaw l-aħħar żewġ gowls fl-aħħar 80 sekonda biex sfurzaw l-għoti tal-penalties, fejn il-goalkeeper ta’ riserva Britt van den Dobbelsteen wettqet tliet saves mill-aqwa biex assigurat ir-rebħ taċ-Champions League minn Olympiacos.
Intant, aktar qabel, Sant Andreu rebħu l-midalja tal-bronż wara li għelbu lir-rivali domestiċi Mataro f’logħba oħra eċċitanti.
