Bayern Munich, iċ-champions renjanti Ġermaniżi, rebħu s-Super Cup domestika meta fil-finali għelbu lil RB Lepzig, rebbieħa tat-Tazza Ġermaniża, bl-iskor ta’ 5-3.
Il-goals ta’ Bayern waslu minn Jamal Musiala (14), l-akkwist il-ġdid mingħand Liverpool, Sadio Mane (31), Benjamin Pavard (45), Serge Gnabry (66) u Leroy Sane (92) filwaqt li għal Leipzig skorjaw Macel Halstenberg (59), Christopher Nkunku (77 pen) u Dani Olmo (89).