Bayern Munich huma nieqsa minn skorer naturali wara li Robert Lewandowski ssieħeb ma’ Barcelona fis-sajf li għadd.
Huwa għalhekk li l-club mill-Bavarja se jagħmel minn kollox biex fis-sajf li ġej jiffirma lill-attakkant internazzjonali tal-Ingilterra u ta’ Tottenham, Harry Kane, fejn lesti wkoll li jħallsu €110 miljuni.
Fl-aħħar żewġ logħbiet, Bayern naqsu li joħorġu rebbieħa fejn spiċċaw fi draws ta’ 1-1 hekk kif jidher ċar li ma għandhom l-ebda arma letali fl-attakk.
Fl-aħħar partita kien Joshua Kimmich li kiseb id-draw kontra Cologne, fl-Allianz Arena, b’xutt minn barra l-kaxxa fil-ħin miżjud tal-logħba.
Infatt li jiem li ġejjin, il-Bavarjani mistennija jagħmlu kuntatt ma’ Spurs fit-tentattiv li jibdew it-taħdidiet neċessarji biex dan il-player ta’ 29 sena imur jilgħab fil-Bundesliga.
Manchester United ukoll qed isegwu l-progress ta’ Kane li jridu jingaġġawh biex ikun is-sostitut denju ta’ Cristiano Ronaldo li telaq lill-club f’Novembru li għadda bi qbil reċiproku.
Il-kuntratt ta’ Kane ma’ Tottenham jintemm f’Ġunju 2024.
