Wara li lbieraħ dan is-sit flimkien ma’ oħrajn xerridna x-xewqa ta’ Jake Vella – li wara xhur l-isptar esprima x-xewqa li jitgħallem il-kitarra – ma kinux wieħed jew tnejn dawk li bagħtu biex jgħinuh.
Kien il-Ministru għall-Ippjanar Stefan Zrinzo Azzopardi li lbieraħ xerred ritratt fuq il-profil tiegħu ma’ Jake u talab għall-għajnuna.
Ma setax jonqos li sa minn kmieni dalgħodu, diversi kitarristi bdew jistaqsu kif jistgħu jgħinu lil Jake. Mhux biss, persuni oħra offrew li saħansitra jagħtuh il-kitarra tagħhom. Konferma oħra ta’ kemm il-poplu Malti kapaċi jingħaqad f’solidarjetà fi ftit ħin u jgħin lil dawk l-aktar fil-bżonn.
