Cristiano Ronaldo qabeż lil Lionel Messi fil-quċċata tal-lista ta’ Forbes tal-players tal-football l-iktar imħallsa fid-dinja, bl-istilla ta’ Manchester United potenzjalment jaqla’ £91.5 miljun f’dan l-istaġun.
Ronaldo u Messi, tnejn mill-iktar players ta’ profil għoli fl-istorja tal-football, it-tnejn għamlu ċaqliq ta’ trasferiment dan is-sajf lejn Manchester United u Paris Saint-Germain rispettivament waqt tieqa tat-trafserimenti inkredibbli.
Il-pass ta ’Messi lejn il-ġganti Franċiżi PSG seta’ jarah jaqla’ £ 80.5 miljun dan l-istaġun iżda l-qligħ tiegħu huwa ferm qasir mill-istilla Portugiża Ronaldo, ta’ 36 sena, li rritorna lejn Manchester United wara 12-il sena jilgħab ‘il bogħod minn Old Trafford.
Il-ftehim tar-Red Devils ta’ Ronaldo seta’ jarah jaqla’ £51.25m f’salarju bażiku u bonuses relatati mal-prestazzjoni, bil-bqija tal-pakkett tiegħu jiġi minn approvazzjonijiet, inkluż sponsorizzazzjoni.
L-istilla ta l-Arġentina Messi, sadanittant, għandu salarju bażiku u struttura ta’ bonus ogħla minn Ronaldo – hekk kif jaqla’ £54.94m fis-sena – iżda jaqla’ biss £25.6m fi ħlasijiet annwali ta’ sponsorizzazzjoni, meta mqabbel mas-somma annwali ta’ Ronaldo ta’ £40m.
Kieku Messi baqa’ mal-ex club tiegħu ta’ Barcelona dan is-sajf – iżda l-ġganti Spanjoli ħallewh jitlaq bi free tarnsfer għax ma kinux f’pożizzjoni li jżommuh – kien ikun faċilment imsemmi bħala l-iktar player tal-football imħallas ta’ Forbes hekk kif il-qligħ totali tiegħu fi Spanja kien ta’ £95.24m fis-sena.
