Il-Ministru tal-Affarijiet Barranin ta’ Iżrael Gideon Sa’ar f’intervent li għamel fil-Plenarja tas-summit tal-OSCE iddikjara li “matul l-aħħar sena, id-dinja ġiet esposta għall-apparat li l-Iran bena madwar il-Lvant Nofsani. L-Iran stabbilixxa fenomenu ġdid li d-dinja qatt ma esperjenzat qabel – stati ta ‘terrur,”.
Hu kompla jgħid li “f’Gaża, il-Libanu, u l-Jemen, l-istati tat-terrur inħolqu minn organizzazzjonijiet terroristiċi. Dawn mhumiex sempliċiment organizzazzjonijiet terroristiċi kif konna nafu fil-passat. Meta dawn l-organizzazzjonijiet jikkontrollaw it-territorju, jiggvernaw persuni ċivili u jibnu infrastruttura militari sinifikanti, is-saħħa tagħhom hija kompletament differenti. Hi saħħa militari simili għal dik tal-armati aktar milli ta’ organizazzjonijiet.”
