Il-kantant Amerikan D4vd, magħruf ukoll bħala David Burke, ġie akkużat li xtara ammont ta’ tagħmir minn online – inklużi serrieq tal-katina – wara li l-prosekuturi qalu li qatel lil Celeste Rivas Hernandez ta’ 14-il sena b’sikkina.
L-allegazzjonijiet ġew rilaxxati f’preżentazzjoni ta’ evidenza, li tiddeskrivi l-motiv allegat tiegħu u l-passi li l-prosekuturi jgħidu li ħa biex jaħbi l-passi tiegħu qabel ma nstabu l-fdalijiet tat-tfajla adoloxxenti fil-karozza tiegħu.
Il-prosekuturi ddikjaraw li Burke l-ewwel kien iltaqa’ ma’ Rivas Hernandez meta kellha biss 11-il sena. Allegatament beda jabbużaha sesswalment meta kellha 13-il sena, filwaqt li Burke allegatament kellu 18-il sena. Huwa allegat ukoll li Celeste bagħatet messaġġi ta’ theddida li jikxef ir-relazzjoni illeċita li kellhom biex “teqredlu ħajtu” qabel ma nqatlet.
Il-kantant wieġeb mhux ħati.
L-avukati ta’ D4vd sostnew li se jkomplu jiddefendu l-innoċenza tiegħu u qalu li jemmnu li “l-evidenza se turi li David ma qatilx lil Celeste”.
Il-kantant deher il-qorti nhar l-Erbgħa hekk kif l-avukat u l-prosekuturi argumentaw dwar ir-rilaxx pubbliku tal-fajl. Huwa tkellem ftit li xejn, biss biex jigħd “iva” meta mistoqsi jekk kienx jaqbel li s-smigħ preliminari tiegħu jiġi pospost sal-aħħar ta’ Mejju.
Matul il-fajl tal-qorti nhar l-Erbgħa, il-prosekuturi jallegaw li Burke daqq lil vittma diversi drabi b’sikkina.
Il-fajl jiddikjara li l-prosekuturi segwew ix-xiri li l-kantant għamel online bl-użu ta’ isem falz fil-jiem wara l-qtil. Ix-xiri kien jinkludi żewġ serrieq tal-katina, pixxina blu li tintefaħ, borża tal-katavri kif ukoll pala. Huma jallegaw ukoll li xtara “gaġġa tal-ħruq” u għamel pjanijiet biex jinċinera l-evidenza, skont l-fajl.
Il-fajls inkludew ukoll interazzjonijiet preċedenti bejn il-vittma u l-kantant, inkluż wara li ġiet irrappurtata nieqsa mill-familja fl-2024.
Messaġġi li ntbagħtu jiddeskrivu argument twil fit-22 ta’ April 2025, li juri l-għira li Rivas Hernandez kellha dwar ir-relazzjoni tal-kantant ma’ nisa oħra. Il-vittma bagħtet theddid permezz ta’ messaġġi li tiżvela informazzjoni ta’ ħsara dwar ir-relazzjoni tagħha ma’ Burke biex ittemm il-karriera tiegħu. Il-prosekuturi ddikjaraw li jemmnu li Celeste Rivas Hernandez inqatlet l-għada ta’ dan l-argument.
Il-prosekuturi jallegaw li D4vd ordna uber għal Rivas Hernandez dakinhar biex imur id-dar tiegħu. Huma jgħidu li bagħatilha messaġġi diversi drabi, jistaqsiha fejn kienet, madankollu, huma allegaw li l-messaġġi kienu parti mill-pjan ta’ Burke “biex jaħbi l-qtil tal-vittma”.
L-ewwel album mużikali ta’ D4vd ħareġ fl-istess ġimgħa, fil-25 ta’ April 2025.
Fil-jiem ta’ wara l-qtil, il-prosekuturi jgħidu li l-kantant għamel diversi xiri online għal tagħmir li għenu jeħles mill-katavru ta’ Rivas Hernandez.
Id-dokument tal-qorti jiddikjara wkoll li filmati ta’ sorveljanza juru li Burke kien l-aħħar persuna li saq il-karozza, fejn il-katavru ta’ Celeste Rivas Hernandez nstab aktar tard f’Settembru tal-2025.
