Floriana FC ħabbru l-akkwist tad-difensur Arġentin Nicolas “Nico” Delmonte.
Id-difensur ċentrali ta’ 37 sena jingħaqad mal-klabb wara li l-aħħar lagħab mat-tim Spanjol Juventud Torremolinos CF. B’karriera estensiva li ħaditu f’diversi pajjiżi, fosthom Spanja, l-Arġentina, l-Italja u l-Albanija, Nico jġib miegħu esperjenza siewja u kwalità difensiva fl-iskwadra tagħna.
Il-Greens laqgħu lil Nico fil-familja ta’ Floriana u awgurawlu kull suċċess mal-klabb.




