Floriana ħabbru l-akkwist ta’ Gastón Manuel Romano ta’ 28 sena.
Il-midfielder Arġentin, li għandu wkoll passaport Taljan, jingħaqad mal-Greens wara karriera fl-Arġentina, art twelidu, il-Portugall, l-Italja u aktar riċentement il-Litwanja.
Wara li beda l-karriera tiegħu mal-qawwa Arġentina Club Atlético River Plate, huwa segwa karriera fl-Ewropa mat-timijiet Portugiżi Espinho & Estrela Amadora qabel ma qatta’ perjodu qasir fl-Italja. Imbagħad irritorna l-Portugall ma’ Clube de Futebol Os Belenenses fil-Liga 2 qabel ma kompla l-karriera tiegħu fir-Rumanija u aktar riċentement, fil-Litwanja.
Midfielder b’saħħtu u kompost, Gastón żgur li se jkun żieda siewja għal Floriana FC bl-abbiltà teknika tiegħu.
Floriana FC laqgħu lil Gastón fil-familja tagħhom u awgurawlu kull suċċess mal-Greens.
