Floriana FC ħabbru l-akkwist tal-Ivorjan ta’ 20 sena, Ange Curtis N’Dri.
Il-winger żagħżugħ li jilgħab ukoll bħala attakkant dan l-aħħar lagħab fl-Iżvizzera mat-tim ta’ taħt il-21 sena ta’ FC Sion, fejn wera abbiltà naturali kemm fuq il-wings kif ukoll quddiem il-lasta.
F’età daqshekk żgħira, Ange żgur li se jkun player siewi li għandu jiġi żviluppat mill-Coaching Staff tal-klabb u jtejjeb it-talent naturali tiegħu issa u fil-futur.
Floriana FC laqgħu lil Ange fil-familja tagħhom u awgurawlu kull suċċess mal-Greens.
