Fi stqarrija l-pulizija qalu li l-mara ġiet iċċertifikata fil-periklu tal-mewt. Dwar dan il-każ infetħet inkjesta mill-Maġistrat Dr Simone Grech LL.D ħatret inkjesta filwaqt li l-investigazzjonijiet tal-Pulizija għadhom għaddejjin.
Aktar kmieni: Franċiża l-isptar wara li nqalbet bi quad bike f’Għawdex
Franċiża ta’ 32 sena kellha tidaħħal l-Isptar Ġenerali t’Għawdex wara li għas-2.30pm inqalbet bil-quad bike li kienet qiegħda ssuq.
L-inċident seħħ fi Triq is-Sagħtrija fiż-Żebbuġ meta għal xi raġuni l-Franċiża li kienet weħidha fuq il-quad bike tilfet il-kontroll u nqalbet.
Fuq il-post mar tim mediku b’ambulanza mill-Isptar Ġenerali t’Għawdex fejn wara li ngħatat l-ewwel għajnuna fuq il-post ittieħded għal aktar osservazzjoni.
Il-kundizzjoni tagħha s’issa għadha mhix magħrufa.
Il-pulizija qegħdin jinvestigaw il-każ.
