Għalliema li kellha x’taqsam sesswalment ma’ student ta’ 16-il sena fl-Awstralja frankat ikla ħabs wara li l-Qorti ddikjarat li l-istudent ma kienx maħqur.
Monique Ooms ta’ 31 sena jidher li ħadet avvanz fuq l-istudent li kien fi stat vulnerabbli minħabba li kien qiegħed jibki t-telfa ta’ ħabib tiegħu.
Instab li kien hemm mill-inqas erba’ każi fejn it-tnejn kellhom x’jaqsmu sesswalment is-sena li għaddiet inkluż fir-residenza tagħha u fil-karozza.
L-Imħallef John Smallwood madanakollu qal li normalment f’sitwazzjonijiet bħal dawn ikollok studenti li jispiċċaw maħqurin wara li l-istorja tagħhom toħroġ fil-beraħ, iżda dan ma kienx il-każ.
Ir-relazzjoni bejn it-tnejn bdiet meta l-għalliema bdiet tibgħat messaġġi lill-istudent fuq il-midja soċjali u iżjed tard anke ritratti tagħha bil-ħwejjeġ ta’ taħt.
L-iskola rċeviet żewġ rapporti dwar ir-relazzjoni ta’ bejn it-tnejn u meta mistoqsi l-istudent qal li huma kienu biss ħbieb.
Madanakollu aktar tard l-għalliema ammettiet li kellha x’taqsam sesswalment erba’ darbiet mal-istudent.
Min-naħa tiegħu l-Imħallef saħaq li l-iżball ma kienx ir-rapport sesswali bejn it-tnejn, iżda li Ooms kellha x’taqsam sesswalment ma’ student li sippost kienet qiegħda tieħu ħsieb.
Il-Qorti semgħet ukoll kif l-għalliema ġiet irredikolata pubblikament, tilfet l-impjieg u spiċċat tingħata kura mentali minħabba attentati ta’ suwiċidju.
Issa l-mara qiegħda taħdem fil-kostruzzjoni u riċentament anke tkellmet dwar ħajjitha fuq il-midja soċjali.