Tuesday, April 16, 2024

GREE Żurrieq Wolves Hotsticks żewġ punti taħt il-leaders wara rebħa faċli

Aqra wkoll

GREE Żurrieq Wolves Hotsticks resqu żewġ punti ‘l bogħod mil-leaders Floriana Young Stars meta fil-ħames ħarġa tagħhom tal-kampjonat nazzjonali tal-hockey għelbu lil White Hart 5-0.

Kif mistenni, il-Hotsticks ftit sabu diffikulta’ sabiex jegħlbu lill-avversarji tagħhom li għadhom qed ifittxu l-ewwel punti tal-istaġun.

Silas Plaehn u Keith Scicluna fetħu vantaġġ doppju sa tmiem l-ewwel quarter sabiex Jayden Cutajar, David Vella Dingli u Gary Bonnici skorjaw aktar gowls fit-tieni u tielet quarter.

Umpires kienu Edward Hughes u Karl Chircop.

F’logħba mill-kampjonat tal-Hockey 7s, Qormi Daikin iddominaw il-konfront tagħhom kontra Floriana Young Stars tant li rebħu 17-0.

Kif jindika l-iskor, il-Qriema kienu superjuri fejn kellhom lil Ayrton Falzon u Daniel Ellul li skorjaw erba’ gowls kull wieħed filwaqt li Wyatt Magri, Clayton Gatt Nathan Pace Gasan u Neil Spiteri Montebello kienu awturi ta’ doppjetta kull wieħed. Gareth Dimech għaqqad l-iskor għat-tim tiegħu.

Umpires kienu Glen Bonello u Alessandro Amore.

Mill-kampjonat ta’ taħt it-18-il sena, Qormi Daikin kienu aħjar minn Marsaskala Summer Nights tant li rebħu 6-1 filwaqt li De La Salle Floriana għelbu lil GREE Żurrieq Wolves Hotsticks 3-1 fil-kampjonat ta’ taħt l-14-il sena.

KLASSIFIKA – KAMPJONAT NAZZJONALI TAL-HOCKEY

Floriana Young Stars 9, GREE Żurrieq Wolves Hotsticks 7, Qormi Daikin 4, White Hart 0

Ekonomija

Sport