Hamrun Spartans ….2
Marsaxlokk …………3
Minn Cristian Muscat
Mill-ħażin għall-agħar – hekk biss tista’ tiġi deskritta s-sitwazzjoni attwali ta’ Hamrun Spartans. Dan wara li sofrew ir-raba’ telfa konsekuttiva hekk kif din id-darba sfaw megħluba bl-iskor ta’ 3-2 minn Marsaxlokk biex issa jinsabu fil-periklu li jistgħu jispiċċaw fil-Bottom Six meta l-logħba li jmisshom hija dik kontra Gzira United li se tiddermina d-destin tagħhom.
Kienu Hamrun Spartans li ħarġu l-aħjar iżda proprju fit-tieni attakk li ħolqu, fit-38 minuta, Marsaxlokk fetħu l-iskor meta Jan Quintongo żmarka għal kollox lil YURI DE JESUS MESSIAS li għalkemm ippressat minn Ryan Camenzuli, avvanza u għeleb lill-goalkeeper, Henry Bonello.
Il-pressjoni bdiet tikber fuq il-Ħamruniżi u fit-tieni taqsima ħarġu aktar avventurużi biex fit-53 minuta ngħataw penalty meta l-goalkeeper Xlukkajr, Marko Drobnjak, laqat wiċċ Emerson Marcelina fit-tentattiv li jikklerja … u mill-11-il metru JOSEPH MBONG ma żbaljax b’xutt ċentrali.
Peró, żewġ minuti wara, Marsaxlokk reġgħu marru fil-vantaġġ meta rebħu penalty għal hands ta’ Roko Prsa li ppermetta lil YURI DE JESUS MESSIAS jirreġistra doppjetta personali billi xeħet lill-goalkeeper Henry Bonello fuq in-naħa l-ħażina.
L-affarijiet komplew jikkomplikaw ruħhom għall-Ispartans meta, fl-64 minuta, JAI QUITONGO approfitta minn indeċiżjoni fid-difiża Ħamruniża, avvanza u sammar il-ballun fix-xibka.
L-Ispartans għamlu reazzjoni u reġgħu daħlu fil-partita meta, fid-79 minuta, is-sostitut GABRIEL VELLA għeleb lil Drobnjak fit-tieni tentattiv wara li kellu daqqa ta’ ras imblukkata mill-istess goalkeeper Xlukkajr.
Fl-94 minuta, Hamrun kellhom lil Mattias Ellul imkeċċi wara li kkommetta foul professjonali … biex il-ġurnata għalihom marret mill-ħażin għall-agħar!!
HAMRUN S.: 1-Henry Bonello, 5-Sven Xerri, 6-Daniel Letherby (8-Talison Lui Barboza 61), 10-Joseph Essien Mbong, 12-Roko Prsa, 14-Elionay Freitas Da Silva, 28-Juan Carlos Corbalan, 77-Shaisen Attard (94-Gabriel Vella 77), 91-Emerson Marcelina, 94-Ryan Camenzuli (3-Mattias Ellul 77), 99-Raphael Lopes Silva (19-Vitor Hugo Da Silva 65) – Coach: Alessandro Zinnari
MARSAXLOKK: 95-Marko Drobjnak, 4-Karl Micallef, 6-Nikolai Muscat, 10-Yuri De Jesus Messias (11-Duane Bonnici 74), 19-Jose Ulises Arias, 21-Jai Quitongo (9-Patrick Nonato 94), 23-Alex De Aguilar Gomes (8-Jake Ghio 94), 24-Enmy Mauel Pane Beltre, 27-Leandro Aguirre, 28-Nikola Raden, 30-Ryan Scicluna – Coach: Vincenzo Potenza
REFEREE: Trustin Farrugia Cann
ASS. REFEREES: Duncan Spencer, Vasil Vasilev
RABA’ UFF: Daniel Portelli
SKORERS: Y. De Jesus Messias 38, 56 pen, J. Quitongo 63 (M), J. E. Mbong 54 pen, G. Vella 79 (HS)
AMMONITI: R. Lopes Silva, R. Camenzuli, R. Prsa (H), N. Raden, M. Drobnjak (M)
TKEĊĊA: M. Ellul 94 (HS)