Il-goalkeeper internazzjonali Malti Henry Bonello rritorna ma’ Sliema Wanderers, proprju l-klabb fejn beda l-karriera tiegħu.
Għall-goalkeeper ta’ 37 sena, dan jista’ jitqies bħala ritorn emozzjonanti lejn Sliema Wanderers, fejn għamel l-ewwel passi tiegħu fil-futbol Malti qabel kompla jilgħab ma’ Hibernians, Valletta, Birkirkara u Hamrun Spartans, filwaqt li stabilixxa ruħu wkoll bħala l-goalkeeper numru wieħed tat-tim nazzjonali Malti.
Bonello mistenni jżid esperjenza u tmexxija importanti fl-iskwadra ta’ Sliema Wanderers, li qed tkompli ssaħħaħ it-tim tagħha bil-għan li tkun kompetittiva fl-istaġun li ġej.
