Il-players li jilagħbu mat-team nazzjonali taċ-Ċina ġew ipprojbiti milli jagħmlu tattoos – u ngħataw parir biex ineħħu dawk li għandhom – taħt direttiva ġdida.
Il-korp tal-amministrazzjoni sportiva tal-pajjiż qal li r-reklutaġġ ta’ players ġodda bit-tattoos fil-livell nazzjonali u fl-iskwadri taż-żgħażagħ kien “strettament ipprojbit”.
L-amministrazzjoni qalet li din il-mossa tgħin biex tagħti “eżempju tajjeb lis-soċjetà”.
Xi stilel nazzjonali, inkluż id- difensur Zhang Linpeng, qabel qalulhom biex jgħattu t-tattoos tagħhom.
Iċ-Ċina ilha dejjem aktar iżżid ir-regolament min-nofs l-2018 biex twaqqaf li jintwerew fuq l-isceens. Minn dak inhar players professjonali bdew jgħattu dirgħajhom bi kmiem twal biex jaħbu l-arti tal-ġisem tagħhom.
Fi stqarrija, l-Amministrazzjoni Ġenerali tal-Isport (GAS) tal-pajjiż qalet li players tat-team nazzjonali bit-tattoos ingħataw “parir biex jitneħħew”.
“F’ċirkostanzi speċjali, it-tattoos għandhom ikunu koperti waqt it-taħriġ u l-kompetizzjoni, bil-kunsens tal-bqija tat-team,” kompliet l-istqarrija.
Fil-kultura Ċiniża twaħħlet stigma mat-tattoos – fil-passat kienu jintużaw biex jimmarkaw lill-kriminali u t-tatoo għad għandu rabtiet ma’ gruppi ta’ kriminalità organizzata fl-Asja tal-Lvant. Tattoos fost il-gruppi etniċi ħafna drabi kienu meqjusa bħala marka ta’ dawk mhux ċivilizzati.
Huma diżapprovati mill-Partit Komunista fil-Gvern taċ-Ċina, iżda saru dejjem aktar popolari fost iż-żgħażagħ Ċiniżi.
Aktar kmieni din is-sena, ir-regolatur tax-xandir taċ-Ċina ħabbar li kien qed jissikka r-regoli dwar dak li ddeskriva bħala “kontenut mhux tajjeb għas-saħħa”.
Id-dehriet fuq it-televiżjoni u l-internet minn personalitajiet sportivi u ċelebritajiet ġew ristretti f’każijiet li jinvolvu tattoos u toppu tal-irġiel – f’xi każijiet dawn ġew imċajpra mill-iscreens.
F’Diċembru li għadda, logħba tal-football universitarju tan-nisa fiċ-Ċina kellha titwaqqaf wara li l-players qalulhom li ma kienux se jitħallew jiżbgħu xagħarhom.
L-organizzaturi tal-partita, in- National Youth Campus Football League, dak iż-żmien fi stqarrija kienu qalu: “L-atleti fl-istadji kollha m’għandhomx ikollhom tattoos, jiżbgħu xagħarhom, ikollhom stili ta’ xagħar strambi, jew inkella jilbsu xi aċċessorji, għax ma jkunux eliġibbli li jilagħbu f’xi kompetizzjoni.”