Omm Ben, Yanika, esprimiet il-gratitudni tagħha għal dik it-telefonata li waslet fil-ħin u li salvat ħajjet binha.
Yanika rringrazzjat lil dawk kollha li bagħtu messaġġi ta’ solidarjetà u għamlu kuntatt magħha f’dawn il-mumenti diffiċli. Saħqet li l-kliem mhux biżżejjed biex tesprimi dak li qed tħoss.
Hija kkonfermat li, għall-grazzja t’Alla, Ben jinsab f’kundizzjoni stabbli fit-Taqsima tal-Kura Intensiva (ITU), għalkemm it-triq għall-fejqan mhux se tkun waħda faċli.
“Ben, jien għalik se nagħmel dak kollu possibbli biex nerġgħu lura għan-normal, u naf li int se tkompli tiġġieled b’kuraġġ l-isfidi li l-ħajja poġġiet quddiemna. Ma naqtgħu qalbna qatt,” temmet tgħid Yanika.