Friday, April 19, 2024

Il-gvern Ingliż se jwarrab it-talba ta’ Ratcliffe għal fondi pubbliċi

Aqra wkoll

X’aktarx li l-Gvern Ingliż se jirrifjuta kwalunkwe approċċ jew talba minn Sir Jim Ratcliffe dwar l-użu ta’ fondi pubbliċi biex jgħin fis-sostituzzjoni ta’ Old Trafford.

It-Tlieta filgħaxija, il-United ikkonfermaw permezz ta’ stqarrija pubblika li Ratcliffe kien lesta l-investiment parzjali tiegħu fil-club. Bilkemm 24 siegħa wara li l-ftehim tiegħu sar uffiċjali, il-biljunarju ta’ Ineos tkellem mal-midja u ta xi ħarsa lejn il-pjani ambizzjużi tiegħu għall-club, inkluż il-futur ta’ Old Trafford.

Ratcliffe ikkonferma li x-xewqa tiegħu hija li jibni faċilità ġdida taʼ klassi dinjija li  sservi bħala “Wembley tat-Tramuntana.”

Ratcliffe, 71 sena, indika li jinsab ħerqan li jkollu taħditiet mal-gvern biex jiddiskuti l-proġett kif ukoll riġenerazzjoni taż-żona tal-madwar. Huwa jistma li l-arranġament ta’ Old Trafford u l-bini ta’ kampus tal-madwar jiswa madwar £1 biljun.

Huwa stqarr ukoll li se jkunu meħtieġa madwar £2 biljun biex jinbena stadium kompletament ġdid.

Ratcliffe rrimarka li kien hemm argument biex il-flus pubbliċi jiġu utilizzati “jekk huwa stadium nazzjonali u huwa katalist għar-ri­ġe­nerazzjoni tan-Nofsinhar ta’ Manchester.”

Madankollu, il-ko-proprjetarju tal-United jinsab lest li jkun diżappuntat mill-pożizzjoni tal-gvern dwar il-kwistjoni.

Il-media Ingliża qalet li, “Il-gvern x’aktarx jirrifjuta kwalunkwe approċċ minn Sir Jim Ratcliffe għal flus pubbliċi biex jgħin jiffinanzja ground nazzjonali għat-tramuntana li jkun dar ġdida għal Manchester United.”

Is-suġġeriment tal-finanzjament mill-az­zjonist il-ġdid tal-United qanqal kritika minn żewġ eks Ministri tal-Isports, filwaqt li dawk ta’ ġewwa f’Whitehall jgħidu li l-club kważi ċertament ikollu bżonn jiffinanzja kwalunkwe żvilupp tal-istadium huma stess.

“Il-kwistjoni hija partikolarment sensittiva fil-majjistral tal-Ingilterra peress li Everton qed iħallsu għall-istadium il-ġdid tagħhom fi Bramley-Moore Dock huma stess u ġarrbu djun kbar biex jagħmlu dan,” qalet Tracey Crouch, eks Ministru tal-Isports. 

Tracey Crouch, l-eks Ministru tal-Isports Konservattiv hija kkwotata tgħid, “Meta jkollok clubs tal-football storiċi xi mkien ieħor fil-piramida f’xifer il-kollass, huwa suġġeriment tal-għaġeb li l-flus tal-kontribwenti jistgħu jintefqu f’wieħed mill-aktar clubs tal-football sinjuri fid-dinja minħabba n-nuqqas ta’ investiment fl-istadium tiegħu mis-sidien biljunarji tagħhom.”

Is-sentimenti ta’ Crouch kienu mtennija minn Richard Caborn, l-eks ministru Laburista tal-isport, li qal: “Il-flus pubbliċi m’għandhomx assolutament jintużaw għal ground ġdid għal Manchester United. Ħares lejn kif Everton qed jitħabtu biex iħallsu għall-istadium il-ġdid tagħhom. Ma jkunx tajjeb.”

Sport