Il-Malta FA se tniedi sistema ġdida ta’ biljetti diġitali b’kollaborazzjoni ma’ EventWorks, u b’hekk issaħħaħ l-impenn tagħha li tinvesti f’teknoloġija innovattiva li ttejjeb l-esperjenza tas-supporters tal-futbol.
Il-pjattaforma l-ġdida toffri mod sigur, effiċjenti u faċli biex jintuża biex il-partitarji jixtru l-biljetti, u tipprovdi esperjenza diġitali bla xkiel mix-xiri sad-dħul fl-istadium.
Dan l-investiment jirrifletti l-impenn tal-MFA li timmodernizza s-servizzi u twassal esperjenza aħjar għall-partitarji. Din is-sistema tintroduċi soluzzjoni affidabbli u innovattiva għall-biljetti għall-futbol Malti.
Is-sistema l-ġdida se tiġi introdotta għal-logħbiet li ġejjin fil-kompetizzjonijiet domestiċi tal-MFA, il-logħbiet internazzjonali tat-Timijiet Nazzjonali, u l-logħbiet tal-Malta Premier League organizzati minn Kampjonat Malta Limited. Hija mfassla biex tipprovdi lill-partitarji esperjenza ta’ xiri ta’ biljetti aktar mgħaġġla, bla xkiel u konvenjenti.
