Il-Partit Laburista huwa konxju ta’ każ dwar allegat involviment ta’ kunsillier f’inċident ma’ uffiċjal tal-infurzar.
Għaldaqstant il-Partit Laburista ddeċieda li b’effett immedjat u bħala miżura prekawzjonarja, jissospendi lil dan il-kunsillier tiegħu milli jirrappreżenta lill-Partit Laburista fi kwalunkwe struttura, inkluż fil-Kunsill Lokali.
Filwaqt li jisħaq li l-individwu jibqa’ preżunt innoċenti, il-Partit Laburista jemmen li għandha titħares il-fiduċja pubblika fil-ħidma li tkun qed issir mir-rappreżentanti tiegħu.
Il-Partit Laburista joffri l-appoġġ sħiħ tiegħu lejn l-uffiċjali u l-awtoritajiet tal-infurzar tal-liġi, u l-impenn tagħhom fit-twettiq ta’ dmirijiethom b’rispett, integrità u użu xieraq tal-awtorità.
Il-Partit ser ikompli jsegwi l-każ u jieħu kull deċiżjoni ulterjuri meħtieġa fid-dawl tal-iżviluppi u tal-fatti li jirriżultaw.