Il-President Amerikan Joe Biden qal li jemmen li l-Prim Ministru Iżraeljan Benjamin Netanyahu qed jagħmel żball fl-immaniġġjar tiegħu ta’ Gaża. Huwa qal dan f’intervista li saritlu fuq stazzjon televiżiv Amerikan, fejn kompla jisħaq li ma jaqbilx mal-approċċ tiegħu.
Biden irrimarka li fil-fehma tiegħu, Gaza għandu jkollha aċċess totali għall-ikel u l-mediċina għas-sitt jew għat-tmien ġimgħat li ġejjin. Biden qal: “Dak li qed insejjaħ huwa li l-Iżraeljani jitolbu mhux biss għal waqfien mill-ġlied, iżda anke li jippermettu l-aċċess totali għall-affarijiet bażiċi ta’ diversi individwi, fosthom l-ikel u l-mediċina, sabiex dawn kollha li jidħlu fil-pajjiż.”
Fl-istess intervista li xxandret nhar il-Erbgħa, il-President Amerikan innota kif minkejja f’dawn il-ġimgħat kien hemm diversi taħditiet, sa issa għadu ma ntlaħaqx ftehim għall-waqfien tal-gwerra. Ta’ min wieħed jinnota li din ma kinitx l-ewwel darba, li Biden tkellem fuq il-gwerra. Riċentament, huwa kien qal li l-Hamas għandu l-obbligu li jeħles l-ostaġġi.