Id-deputati Laburisti waslu biex jibdew jinominaw lill-mexxej li jmiss tagħhom wara r-riżenja ta’ Sir Keir Starmer. S’issa, Andy Burnham huwa l-uniku deputat li ħabbar l-intenzjoni tiegħu li jikkontesta, u huwa probabbli ħafna li jsir Prim Ministru aktar tard dan ix-xahar.
Dan ifisser li l-eks sindku ta’ Greater Manchester jista’ jidħol f’Downing Street ftit ġimgħat biss wara li rritorna fil-Parlament permezz ta’ elezzjoni każwali f’Makerfield.
Skont ir-regoli tal-Partit Laburista Ingliż, se jkun hemm perjodu ta’ ġimgħa bejn id-9 u l-15 ta’ Lulju biex il-Membri Parlamentari jiġbru n-nominazzjonijiet meħtieġa biex jikkontestaw.
Biex il-kandidati jikkontestaw għat-tmexxija jeħtieġu 20% tal-Membri Parlamentari tal-partit biex jinnominawhom. Hemm 403 Membru Parlamentari Laburista, li jfisser li huwa meħtieġ l-appoġġ ta’ 81 deputat parlamentari.
Jeħtieġ ukoll li jiġu nominati minn mill-inqas tlieta mit-31 soċjetà soċjalista u trade unions affiljati mal-partit, jew 5% tal-kostitwenzi tal-partiti Laburisti
In-nominati affiljati jridu jinkludu mill-inqas 5% tas-sħubija affiljata tal-Partit Laburista u jinkludu żewġ unions, grupp li jinkludi l-unjins GMB, Unite u Unison.
Fit-13 ta’ Lulju, il-kandidati se jieħdu sehem f’elezzjoni parlamentari fejn jistgħu jwieġbu mistoqsijiet mingħand membri parlamentari Laburisti sħabhom. Jekk Burnham jibqa’ l-uniku kandidat, fil-fatt jista’ jorganizza elezzjoni parlamentari waħdu.
In-nominazzjonijiet tal-affiljati jiftħu fis-6.00pm tal-15 ta’ Lulju u jagħlqu fl-istess ħin l-għada. L-istadju tan-nominazzjoni, jekk meħtieġ, jibda fl-20 ta’ Lulju u jintemm fil-31 ta’ Lulju.
Dan huwa l-aktar xenarju probabbli – s’issa, l-ebda kandidat ieħor ma ħareġ bħala sfidant probabbli u l-biċċa l-kbira tal-Membri Parlamentari qed jaħdmu fuq is-suppożizzjoni li Burnham se jsir il-prim ministru li jmiss.
Wes Streeting, l-eks segretarju tas-saħħa ta’ Sir Keir Starmer, kien meqjus bħala l-Membru Parlamentari l-aktar probabbli li jikkontesta. Iżda kollox inbidel ftit wara r-riżenja ta’ Starmer, meta Wes Sreeting, beda jappoġġja lil Burnham u indika li ma kellux l-intenzjoni li jikkontesta għat-tmexxija.
Kieku Burnham jikseb 323 nominazzjoni, ikun matematikament impossibbli għal rival tiegħu li jilħaq il-limitu ta’ 81 MP meħtieġ biex jikkontesta kontrih. Fl-istesswaqt, jekk l-ebda membru parlamentari ieħor ma joħroġ bħala sfidant, Burnham jista’ jkun il-mexxej Laburista nhar il-Ġmgħa 17 ta’ Lulju. Madankollu, ma jsirx il-prim ministru qabel tlett ijiem wara.
Dan għaliex Sir Keir Starmer ikollu bżonn jippreżenta formalment ir-riżenja tiegħu lir-Re Karlu III fil-Palazz ta’ Buckingham. Ir-Re mbagħad jistieden lil Burnham biex jifforma gvern ġdid.
