Bejn illum u nhar il-Ħamis, jingħata bidu għall-ewwel ġurnata tal-Fażi tal-Kampjonat tal- UEFA Champions League fejn iċ-champions renjanti, Paris St-Germain jilqgħu lil Slovan Bratislava tas-Slovakkja.
Il-Pariġini ma tantx bdew l-istaġun tajjeb f’Ligue 1, tant, li jinsabu fl-14-il post tal-klassifika meta minn massimu ta’ 9 punti għandhom tnejn biss … u għadhom qed ifittxu l-ewwel rebħa minn tliet partiti.
Barra minn hekk, hemm partiti mill-aktar interessanti.
Real Madrid se jilqgħu lil Inter u filwaqt li dawn tal-aħħar ġejjin minn rebħa drammatika kontra Napoli bl-iskor ta’ 3-2 wara li kienu fi żvantaġġ ta’ żewġ goals, il-Madrileni ġejjin minn telfa ta’ 1-0 kontra Real Betis. Barra minn hekk, Kylian Mbappe falla ċans tad-deheb li jikseb id-draw meta, fid-96 minuta, ra l-penalty tiegħu jiġi salvat mill-goalkeeper, Alvaro Valles.
Manchester City jibdew favoriti minkejja li jmorru l-Portugall biex jilagħbu kontra FC Porto.
Huma jinsabu f’forma tajba meta fil-Premier League Ingliż, flimkien ma’ Arsenal, għandhom punti massimi.
Barra minn hekk, huma saħħew l-iskwadra b’għadd ta’ akkwisti ġodda.
Iċ-champions Spanjoli, Barcelona, f’darhom jaffrontaw lill-Olandiżi ta’ Feyenoord. Huma jinsabu fil-quċċata ta’ La Liga u jinżlu għal dan il-konfront b’moral għoli hekk kif ġejjin minn rebħa kbira ta’ 5-0 għand Valencia.
Liverpool jiffaċċjaw lil Atletico Madrid, f’Anfield, f’dik li hija meqjusa bħala partita delikata.
Ir-Reds għad iridu jissetiljaw u se jilagħbu kontra team li ġej minn telfa ta’ 3-0 kontra Athletic fil-kampjonat Spanjol.
Partita mill-aktar interessanti hija bejn Napoli u Arsenal b’dawn tal-aħħar jidhru li se jiddominaw il-Premier League Ingliż u għaldaqstant il-Partenopei jridu jkunu fl-aqwa forma tagħhom jekk iridu joħorġu b’xi ħaġa minn dan il-konfront minkejja li se jkunu qed jilagħbu f’darhom.
Manchester United żgur li m’għandhomx ifallu kontra t-team mill-Azerbaijan, Sabah FK, li jkun qed jagħmel id-debutt tiegħu f’din il-kompetizzjoni.
Minkejja li l-bidu tagħhom f’dan l-istaġun huwa kemmxejn diżappuntanti xorta waħda għandhom jiddominaw din il-partita.
PROGRAMM KOLLU
Illum
Club Brugge v Aston Villa …..6.45
AEK Athens v LASK Linz …….6.45
Real Madrid v Inter …………..9.00
Borussia D. v Villarreal ………9.00
Porto v Man City …………….. 9.00
Lille v Betis …………………….9.00
Għada
Barcelona v Feyenoord …….. 6.45
Stuttgart v Viking FK ………..6.45
Paris SG v Slovan …………….9.00
Liverpool v Atletico M. ……….9.00
Sporting v Galatasaray ………9.00
Napoli v Arsenal ………………9.00
Il-Ħamis
Fenerbahce v Roma ………….6.45
PSV v Shakhtar D. …………..6.45
Como v Leipzig. ………………9.00
Bayern M. v Bodo Glimt …….9.00
Man Utd v Sabah …………….9.00
Slavia Prague v Lens. ……….9.00
