Thursday, March 28, 2024

Imut il-player Tork Ahmet Calik f’inċident tat-traffiku

Aqra wkoll

Footballer internazzjonali Tork miet fl-età ta’ 27 sena f’ħabta f’awtostrada fil-belt kapitali ta’ Ankara.

Ahmet Calik, li lagħab tmien darbiet mat-team nazzjonali Tork, kien waħdu fil-vettura tiegħu meta seħħet il-ħabta.

Huwa rrappurtat li kien qed isuq fuq l-awtostrada Ankara-Nigde meta tilef il-kontroll tal-karozza tiegħu qabel ma nqaleb f’foss fit-triq għall-ħabta tad-9am ħin lokali.

Rapporti mit-Turkija ddettaljaw li Calik kien l-uniku passiġġier fil-vettura nhar it-Tlieta filgħodu u kien iddikjarat mejjet fuq il-post mill-paramediċi.

Calik kien fuq jum liberu mit-taħriġ u kien sejjer Ankara biex jiffinalizza l-pjanijiet għat-tieġ tiegħu, li kellu jorganizza fi Frar.

Għaddejja investigazzjoni biex jiġi stabbilit x’ġara fil-mumenti ta’ qabel il-ħabta.

Calik l-aħħar li rrappreżenta kien lit-team Tork tas-Super Lig Konyaspor.

F’ġieħu, Konyaspor, kitbu: ‘Aħna mnikktin ħafna bit-telfa tal-player tal-football tagħna Ahmet Calik, li rebaħ l-imħabba tal-partitarji tagħna u tal-belt tagħna mill-ewwel jum li ġie f’Konyaspor.’

‘Kondoljanzi lilna lkoll, speċjalment lill-familja tal-player tagħna Ahmet Calik.’

Konyaspor għamlu talba lill-Federazzjoni Torka tal-Football biex tipposponi l-partita tagħhom kontra Istanbul Basaksehir, li għandha ssir is-Sibt, 15 ta’ Jannar.

Ekonomija

Sport