Ir-raġel ta’ 63 sena li waqa’ f’residenza f’Kerċem sfortunatament tilef ħajtu fl-isptar.
L-inċident kien seħħ it-Tlieta li għadda, għall-ħabta tas-7.30 p.m., fi Triq il-Gamiem.
Mill-istħarriġ tal-pulizija kien irriżulta li r-raġel ta’ 63 sena kien waqa’ meta kien tiela’ t-taraġ tar-residenza tiegħu.
L-inkjesta maġisterjali u l-investigazzjonijiet tal-pulizija dwar dan il-każ għadhom għaddejjin.
