Tħabbret il-mewt tal-attur lokali Victor Grech fl-età ta’ 96 sena. Huwa ħa sehem f’diversi sensieli u drammi Maltin u jibqa’ ċertament imfakkar għall-parti ta’ Sander fis-sensiela ferm popolari fis-snin disgħin, ‘Iporkiti’.
Ħa sehem ukoll fis-sensieli ta’ Dejjem Tiegħek , F’Baħar Wieħed u Kristu fl-Iżbarra. Grech deher l-ewwel darba fuq il-palk lura fl-1945 u minn dakinhar ‘l hawn kompla jżid fil-popolarità tiegħu.
Grech twieled fl-1926 f’Tas-Sliema, iżżewweġ lill-attriċi Mary Grech u kellhom żewġt itfal Josef u Christianne. Huma kellhom ukoll tliet neputijiet.