L-Uffiċċju tal-Prim Ministru qed jippubblika t-Termini ta’ Riferenza ta’ Inkjesta Amministrattiva maħtura mill-Prim Ministru biex tistabbilixxi l-fatti u ċ-ċirkostanzi li wasslu għas-serqa ta’ reżina tal-kannabis li kienet maħżuna fil-Kwartieri tal-Forzi Armati ta’ Malta f’Ħal Safi, fil-lejl ta’ bejn it-22 u t-23 ta’ Frar, 2025.
Din l-inkjesta, li hi indipendenti mill-investigazzjonijiet kriminali u jew proċedimenti legali oħra bħall-inkjesta Maġisterjali, ser titmexxa mill-Imħallef Emeritu Geoffrey Valenzia.
L-inkjesta, bit-Termini ta’ Riferenza kif ippubblikati, għandha titlesta sal-14 ta’ Marzu 2025, mingħajr preġudizzju għat-twettiq xieraq tat-Termini ta’ Riferenza.
Il-Prim Ministru talab direzzjoni mingħand l-Imħallef Valenzia dwar il-pubblikazzjoni tal-inkjesta bil-għan li tkun ssalvagwardjata l-integrità tas-Sigurtà Nazzjonali u l-proċess ġudizzjarju.
